7.7.2015 (12wks 4) 唐氏綜合篩選檢查@ 威院

一爸今日請假陪我去威院檢查，上次陀一一佢都冇陪過我去公立醫院檢查，真係要俾佢感受下"等"的滋味。
13:30 準時到， 度高、磅重、量血壓，體重比上月來登記時還輕了少少，62kg。 之後等了大約30分鐘見姑娘，填咗少少資料，參加了簡子症研究，威院同中大咁密切都唔洗多研究呀! 姑娘又俾咗好多資料我睇，慌死我一陣等候期間無嘢做，之後就繼續等入房做唐氏檢查。
15:00左右叫我了， 心想。。。快點完成可以去吃下午茶。
又見到Baby 喇，比上次第一次在盧醫生診所初次見面，Baby現在已是一個小人形，常背著面，搞到姑娘不斷搖晃我的肚子，讓Baby 轉個側面給她量度。  可惜照了10分鐘還是不成功，姑娘建議我先去抽血，行下，回來再照。當時其實我同一爸都已超級餓，就趁呢個抽血時間食啲嘢， Canteen 好遠喎!去便利店買個光酥餅乾扛頂住先。
抽血又等咗15分鐘，抽血員仲話我雙手冰凍，可能難抽啲， 結果抽耐咗少少。
返回檢查室後又等呀等， 我有時行下，同Baby 交流下， 請佢乖乖給姑娘照，一小時後再一次入去，姑娘一照， "摺"了一聲，失望的聲音，她再在我的肚子上搖晃那個超聲波儀器，勉強度到身長，但她說必須要面向上，看到頸枕位才度到，5分鐘後又再一次帶著失望離開房門。
門外約有6位孕媽媽， 當繼一見到她們向大門方向離開，我心就想:"妳就好啦!我還不知要等多久!"
差不多6點，當時只剩下2位媽媽(我是其中一位)，又再一次叫我入房，終於被姑娘找到了， 除頸皮外，她亦簡單地介紹了baby 結構。非常佩服姑娘的耐性， 不合timing 就不合timing, baby 不轉身，也沒有辦法，事實上姑娘是加班來應付我們這些不合作的小Baby。
我跟一爸說:" 介紹結構，也沒有照到性別呢!"
一爸語帶肯定說: "我看到了， 當姑娘介紹大腿時，已看到一些了。"
我心想他是自我安慰，不想後來才確定真的是baby boy 後會失望而已。
雖然我仍然偏向生男孩子,不過如果是baby girl會令一爸高興點， 我也沒所謂。